關琋鎂:孩子的欲望,應該立即滿足嗎?

 

昨天與朋友聊天,她和我吐苦水:「每次一家人去行商場,我個女都要扭計買玩具,每次爹哋都會即刻應承佢,我怕咁樣好易寵壞個女,但又唔夠嗲哋講……」

我沒有直接回答,我和她分享了一個例子。有一次,我和女兒逛商場,女兒看到別的小朋友哭嚷著買玩具,於是她指著一件大型廚房玩具,要我立即買。

我︰「呢個玩具都幾靚,你真係有眼光。不過我哋屋企已經有唔少玩具,而且都好新淨,點解仲要買呢?」

 

女兒:「因為我可以用佢學煮野食,可以整好味嘅野食比媽咪、家姐同婆婆…」

我:「都係呀,仲有無其他原因呢?」

女兒:「我年紀細,唔可以用真廚具,呢個玩具可以比我練習,咁就唔會有危險。」

我:「無錯呀,但係屋企真係有很多玩具,無咩位,不如咁樣,我哋先番屋企執下啲玩具,騰出空間。同埋,呢個星期你要先練習清潔自己間房,就好似媽媽清潔廚房一樣,為你嘅新玩具做好準備,你做得到嗎?」

女兒:「我做得到!」

我選擇了不直接馬上滿足她的慾望,而是先認同女兒的眼光,然後問她購買理由,如果她能說出合適理由,就已經是在訓練她的多角度思考及邏輯推理,然後就趁機跟她談些小條件,如在約定期內都跟著做,就滿足她的要求。

這種「延遲滿足」的做法有助孩子控制自己的欲望,鍛鍊意志力。有些父母對孩子無微不至,卻往往過份遷就,事事有求必應,以為這樣就是愛,但事實往往相反,會導致孩子不懂珍惜、忘記感恩。

只要小心把握,培養「延遲滿足」的時機天天都有,例如孩子說「我想吃糖」,父母可以說「等多半小時,我就給你兩顆。」一切從生活上的細節開始,以小習慣孕育出孩子的大智慧。

聯絡我們

    九龍灣分校

     

    九龍灣宏開道16號德福大廈6樓3室

     

    (+852)2307-1028

     

    (+852)3011-6803

  • 荃灣分校

     

    荃灣沙咀道289號恒生荃灣大廈6樓C室

    (+852)3590 3298/(+852)8100 6994

    (+852)5514 6609

  • 電郵查詢

    好奇心對小朋友學習有幾重要? 等Math Monkey話你知!

    View more videos